նախընտրելի դարձնել
Մեկնարկել է «Հայաստան» համահայկական հիմնադրամի ազգային նվիրատվության 22-րդ հեռուստամարաթոնը: Մարաթոնը մեկնարկել է Երեւանից: 12-ժամյա համահայկական արշավի առաջին 4 ժամն անցկացվում է Երևանում, հաջորդ 8 ժամը կհեռարձակվի Լոս Անջելեսից։
Հեռուստամարաթոնը կրում է «Ես իմ անուշ Հայաստանի․ կենարար ջուր և արև համայնքներին» խորագիրը: Մարաթոնի ընթացքում հանգանակված միջոցները կուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում ու Հայաստանի Տավուշի, Լոռու և Շիրակի մարզերում։ Ծրագրերի շահառուներ կդառնա ավելի քան հարյուր համայնք: Դրանք կապահովվեն շուրջօրյա ջրամատակարարմամբ, անվճար ջեռուցմամբ ու էլեկտրաէներգիայով։
Հիշեցնենք, որ նախորդ հեռուստամարաթոնին հանգանակվել էր մոտ 11 մլն 100 հազար դոլար:
