Ռուսաստանի Կրասնոդարի մարզի միջնակարգ դպրոցներից մեկի աշակերտ Ռանիս Չանդրան, ով ինտերնետում տեղադրված տեսանյութում ատրճանակով նվաստացնում էր ֆիզիկայի ուսուցչուհուն, քրեական պատասխանատվության չի ենթարկվի:

Քննիչները որոշում են կայացրել` հիմնվելով տեսագրության, դպրոցի մանկավարժներից, նաեւ Չանդրայի ծնողներից ու համդասարանցիներից ստացված տեղեկությունների հիման վրա: Պարզվել է, որ դասի ժամանակ աշակերտի ձեռքին եղել է ատրճանակի տեսքով կրակայրիչ:

Իրավապահները հանցակազմ չեն գտել տեսագրության մեջ:

Ինչպես արդեն հայտնել է NEWS.am-ը, սկանդալային տեսագրությունը բուռն արձագանք էր գտել ինտերնետում: Հեռախոսով նկարված տեսագրության մեջ երեւում է, թե ինչպես է կովկասցի աշակերտը խուլիգանական արարքներ կատարում` թափահարելով ատրճանակը, հայհոյելով եւ արժանանալով համադասարանցիների ծիծաղին:

Ռամիսը թերթին հայտնել է, որ ուղղակի կատակ էր անում: