նախընտրելի դարձնել
Վրաստանի խորհրդարանը ապրիլի 19-ին 84 կողմ ձայնով որոշում է ընդունել «Ռուսաստանի հետ 2006 թվականի մարտի 31-ին կնքված ռազմական բեռների եւ անձնակազմի տարանցիկ փոխադրման մասին համաձայնագրի գործողության ժամկետի լրանալու» մասին: Ինչպես որոշման նախագիծի ներկայացման մասին հայտնել է Վրաստանի արտգործնախարար Նինո Կալանդաձեն, «Ռուսաստանի կողմից ռազմական ագրեսիայից հետո վրացական կառավարությունը որոշում է ընդունել այլեւս չշարունակել Ռուսաստանի հետ ռազմական բեռների փոխադրման համաձայնագրի ժամկետը»:
ԱԳՆ ներկայացուցիչը նշել է, որ վերջին տարիներին Ռուսաստանը չի օգտվել այդ համաձայնագրից: «Վերջին անգամ Ռուսաստանը այդ հարցով Վրաստանին է դիմել 2008 թվականի հունիսին, սակայն ստանալով մերժում, այլեւս չի դիմել»,-հայտարարել է Կալանդաձեն:
Համաձայնագրի գործողության ժամկետը լրանում է այս տարվա նոյեմբերին:
