նախընտրելի դարձնել
Իրանը կորոնավիրուսի դեմ պայքարի համար Առողջապահության համաշխարհային կազմակերպությունից ստացել է բժշկական օգնության առաջին մատակարարումը, հայտնում է Tasnim-ը:
Բժշկական օգնությունը Թեհրան է ուղարկվել Դուբայից ռազմական օդանավով:
Նոր տեսակի կորոնավիրուսի դեմ պայքարելու համար ուղարկվել է, մասնավորապես, 8 տոննա դեղորայք, 100 հազար մարդու համար նախատեսված ախտորոշման սարքեր, բժշկական եւ լաբորատոր սարքավորումներ:
Դրանից բացի, կազմակերպությունն ուղարկել է բժշկական 6 խմբերի՝ ներառյալ բժիշկների, լաբորատոր փորձագետների եւ համաճարակաբանների:
Իրանում կորոնավիրուսի հետեւանքով մահվան դեպքերի թիվն աճել է՝ հասնելով 66-ի, իսկ վարակման հաստատված դեպքերի ընդհանուր թիվը հասել է 1501-ի:
