նախընտրելի դարձնել
Ազգային ժողովի մարտի 6-ի նիստում պատգամավորները երկրորդ եւ վերջնական ընթերցմամբ հավանություն տվեցին գործող օրանքներում մի շարք օրենսդրական փոփոխությունների, հաղորդում է NEWS.am-ի թղթակիցը:
Դրանց թվում են՝
Քաղաքացիական օրենսգրքում փոփոխություններ կատարելու մասին օրինագիծը (կողմ՝ 98, դեմ՝ 1);
«Գույքահարկի մասին» օրենքում փոփոխություններ եւ լրացումներ կատարելու մասին օրինագիծը (կողմ՝ 69, դեմ՝ 32, ձեռնպահ՝ 2);
«Հողի հարկի մասին» օրինագիծը, (կողմ՝ 70, դեմ՝ 32, ձեռնպահ՝ 3);
Քաղաքացիական օրենսգրքում լրացումներ կատարելու մասին օրինագիծը (կողմ՝ 105, միաձայն);
Բացի այդ, պատգամավորներն առաջին ընթերցմամբ հավանություն տվեցին մի շարք օրինագծերի:
Դրանց թվում են՝
Հողային օրենսգրքում փոփոխություններ կատարելու մասին օրինագիծը (կողմ՝ 107, միաձայն);
«Ֆոնդերի մասին» եւ հարակից օրենքներում փոփոխություններ եւ լրացումներ կատարելու մասին օրինագծերի փաթեթը (կողմ՝ 106, միաձայն);
«Մաքսային կարգավորման մասին» օրենքում փոփոխություններ եւ լրացումներ կատարելու մասին օրինագիծը (կողմ՝ 104, միաձայն):
Պատգամավորները վավերացրեցին նաեւ մի շարք համաձայնագրեր:
Դրանց թվում են՝
«Եվրասիական տնտեսական միության եվ Չինաստանի Ժողովրդական Հանրապետության մաքսային սահմաններով տեղափոխվող ապրանքների եվ միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման մասին» համաձայնագիրը (կողմ՝ 106, միաձայն);
Հայաստանի Հանրապետության կառավարության եւ Ղրղզստանի Հանրապետության կառավարության միջեւ «Կրկնակի հարկումը բացառելու եվ հարկումից խուսափելը կանխելու մասին» համաձայնագիրը (կողմ՝ 106, միաձայն):
