նախընտրելի դարձնելԵս շարունակում եմ մնալ այն կարծիքին, որ ՀՀ վարչապետ Նիկոլ Փաշինյանի հայտարարությունը պետական կառույցներում դավաճանների մասին չի կարող պարզապես հայտարարություն լինել: Այս մասին մարտի 9-ին Ազգային ժողովում ավանդական ճեպազրույցի ժամանակ հայտարարեց «Լուսավոր Հայաստան» կուսակցության պատգամավոր Մանե Թանդիլյանը:
Ըստ խորհրդարանականի` նման հայտարարությունները պետք է լուրջ հետաքննության առարկա դառնան՝ պաշտոնական հերքման կամ հաստատման առկայությամբ: «Այո, այս հայտարարություններին պետք է համապատասխան գործողություններ հետեւեն: «Դավաճան» տերմինը վերաբերում է պետական անվտանգությանը, հետեւաբար, այս հարցը շարունակում է անհանգստացնել ինձ: Այս հայտարարություններին փաստեր չեն հետեւել: Ի վերջո, ովքե՞ր են այդ դավաճանները»,- ասաց Թանդիլյանը` խոստանալով պաշտոնական դիմում ուղարկել` պարզելու համար` արդյոք հայտնաբերվել են «ծրարներով գումար ստացող» նախարարները:
Հիշեցնենք, որ ծրարներով գումար ստացող նախարարների թեման շոշափվել է Մանե Թանդիլյանի կողմից անցած շաբաթ խորհրդարանում կառավարության ժամի ընթացքում: Այնուհետեւ ՀՀ վարչապետ Նիկոլ Փաշինյանը պատասխանել էր Թանդիլյանի հարցին:
