նախընտրելի դարձնել
Վրաստանի նախագահ Սալոմե Զուրաբիշվիլին մինչեւ ապրիլի 21-ը երկրում արտակարգ դրություն է հայտարարել, հաղորդում է Սպուտնիկ Գրուզիան:
Ավելի վաղ նման խնդրանքով Վրաստանի նախագահին դիմել էր Վրաստանի վարչապետ Գեորգի Գախարիան:
«Վարչապետի դիմումի եւ Վրաստանի Սահմանադրության 71-րդ հոդվածի համաձայն՝ Վրաստանի ամբողջ տարածքում արտակարգ դրություն եմ հայտարարում: Որոշումն ուժի մեջ է մտնում հայտարարման պահից»,- ասել է Զուրաբիշվիլին:
Արտակարգ դրության պայմաններում փակ են Վրաստանի բոլոր պետական սահմանները, թույլատրվում է միայն բեռների փոխադրումը:
Վրաստանում արգելվել են ավելի քան 10 մարդու մասնակցությամբ հավաքները, այդ թվում նաեւ խանութներում կուտակումները:
