Եմենի մայրաքաղաք Սանայում տասնյակ հազարավոր մարդիկ փողոց են դուրս եկել՝ պահանջելով նախագահ Ալի Աբդալլա Սալեհի անհապաղ հրաժարականը։

Սանայում այսօր ցույց են կազմակերպել նաեւ նախագահի կողմնակիցները, հայտնում է «Ազատություն» ռադիոկայանը։

Հակակառավարական ցույցեր տեղի են ունեցել Եմենի այլ քաղաքներում եւս։

Ընդդիմությունը անբավարար է կարծում նախագահի՝ իշխանությունը հանձնելու մասին բանավոր համաձայնությունը։ Համաձայն պլանի՝ Սալեհը 30 օրվա ընթացքում իշխանությունը պետք է հանձնի փոխնախագահին՝ զերծ մնալով դատական հետապնդումներից։