Նախընտրելի
Այս տարվա ընթացքում, ապրիլի 27-ի դրությամբ, Հայաստանում արձանագրվել է տրանսպորտային միջոցների հրդեհի 2 եւ պայթյունի 1 դեպք, որի պատճառը եղել են գազի բալոնները:
Ինչպես NEWS.am-ին հայտնեցին Հայաստանի արտակարգ իրավիճակների նախարարությունում, նշված դեպքերի արդյունքում մեկ մարդ զոհվել է, երկուսը` տուժել:
Ըստ աղբյուրի` 2010թ. ընթացքում տրանսպորտային միջոցներում արձանագրվել է 5 պայթյուն (4 զոհ, 1 վիրավորով): Մեկ տրանսպորտային միջոց այրվել է, բարեբախտաբար, տուժածներ այս դեպքում չեն եղել:
2009թ-ին տեղի է ունեցել տրանսպորտային միջոցի պայթյունի երկու (տուժել է երկու մարդ) եւ հրդեհի երեք դեպք (նույնպես 4 տուժածով):
2008թ-ին արձանագրվել է պայթյունի 5 (2 տուժածով) եւ հրդեհի 1 դեպք, որի արդյունքում ոչ ոք չի տուժել:
