նախընտրելի դարձնել
Մայիսի 6-ին ՀՀ Ազգային ժողովի նիստին երկրորդ եւ վերջին ընթերցմամբ պատգամավորները մի շարք օրենսդրական փոփոխություններ են հաստատել գործող օրենքներում:
Դրանց թվում են.
Հարկային օրենսգրքում փոփոխություններ եւ լրացումներ կատարելու մասին օրինագիծը («կողմ»` 116, միաձայն),
«Բնակչության բժշկական օգնության եւ սպասարկման մասին» օրենքում եւ հարակից օրենքներում փոփոխություններ կատարելու մասին օրինագծերի փաթեթը («կողմ»` 117, միաձայն),
«Նախադպրոցական կրթության մասին» օրենքում փոփոխություններ կատարելու մասին օրինագիծը («կողմ»` 116, միաձայն),
«Տեղական ինքնակառավարման մասին» օրենքում փոփոխություններ կատարելու մասին օրինագիծը («կողմ»` 117, ձեռնպահ` 2),
«Օտարերկրացիների մասին» օրենքում փոփոխություններ կատարելու մասին օրինագիծը («կողմ»` 118, միաձայն):
Բացի այդ, խորհրդարանականներն առաջին ընթերցմամբ մի շարք այլ օրենսդրական նախաձեռնություններ են հաստատել:
Դրանց թվում են.
«Ընկերությունների կողմից վճարվող բնապահպանական հարկի նպատակային օգտագործման մասին» օրենքում փոփոխություններ եւ լրացումներ կատարելու մասին օրինագիծը («կողմ»` 109, միաձայն),
«Անասնակերի մասին» օրենքում փոփոխություններ կատարելու մասին օրինագիծը («կողմ»` 120, միաձայն),
Քաղաքացիական օրենսգրքում եւ հարակից օրենքներում փոփոխություններ կատարելու մասին օրինագծերի փաթեթ («կողմ»` 118, միաձայն),
Խորհրդարանականները վավերացրել են նաեւ «Անկախ պետությունների համագործակցության անդամ պետությունների միջեւ շաքարախտի աճի դեմ պայքարում համագործակցության մասին» համաձայնագիրը («կողմ»` 117, միաձայն):
