Վրաստանում ապրիլի 30-ին երկրաշարժ է տեղի ունեցել: Ստորերկրյա ցնցումները 3,5 բալ ինտենսիվությամբ արձանագրվել են Վրաստանի արեւմուտքում գտնվող Օնի քաղաքում,  հաղորդում է “Գրուզիա օնլայնը”: Ավերածություններ եւ տուժածներ չկան, բնակչությունը միայն թեթեւ ցնցումներ է զգացել:

Նշենք, որ երկու տարի առաջ այդ տարածքում տեղի էր ունեցել 6  բալ ուժգնությամբ երկրաշարժ, եւ դրանից հետո այնտեղ ժամանակ առ ժամանակ տեղի են ունենում  3-4  բալանոց ցնցումներ:

Ի դեպ, այսօր երկրաշարժեր են գրանցվել նաեւ Ղազախստանում եւ Ռումինիայում: Ղազախստանում 5,4 մագնիտուդով երկրաշարժի էպիկենտրոնը գտնվել է  Ալմաթիից 71 կմ հեռավորության վրա: Իսկ Ռումինիայում տեղի ունեցած 5,3 մագնիտուդով երկրաշարժը զգացվել է նաեւ Մոլդովայում:  Քիշնեւում ցնցումների ուժգնությունը կազմել է 4,5 բալ: