Նախընտրելի
Ընթացիկ տարվա հունվար-ապրիլին Հայաստանն ազգային արժույթի նկատմամբ դոլարի աճի տեմպով երրորդն է հետխորհրդային երկրների շարքում: Համաձայն պաշտոնական վիճակագրության` նշված ժամանակահատվածում հայկական դրամի նկատմամբ դոլարը արժեվորվել է 0,43% - 1,88%-ով ( 363,44 դրամից մինչեւ 370,27): Հայաստանի այս ցուցանիշը գերազանցել են Ուզբեկստանն ու Տաջիկստանը: Ուզբեկստանում դոլարի փոխարժեքն աճել է 3,14% -ով, իսկ Տաջիկստանում` 2,33%-ով: Չորրորդ տեղում Բելառուսն է, որտեղ դոլարը բելառուսական ռուբլու նկատմամբ աճել է 0,43% - ով: Հնգյակը եզրափակում է Ուկրաինան` 0,05% աճով, տեղեկացնում է ԲելաՊԱՆ-ը:
Դոլարի փոխարժեքն ազգային արժույթի նկատմամբ չի փոփոխվել միայն Թուրքմենստանում: Մնացած հետխորհրդային երկրներում դոլարն էժանացել է. Ղրղզստանում` 0,68%-ով, Ադրբեջանում` 0,79% -ով, Ղազախստանում` 1,33% տոկոսով, Մոլդովայում` 5,06% -ով, Վրաստանում` 7,45%-ով, Ռուսաստանում` 9,76% -ով, Էստոնիայում` 10,09%-ով, Լիտվայում` 10,85%-ով, Լատվիայում` 11,59% -ով:
2011թ. ապրիլի 30 –ի տվյալներով` Բելառուսում դոլարի փոխարժեքը վերջին ամսում նվազել է 1,05%-ով: Ավելի բարձր են ցուցանիշները Լիտվայում (5,23%), Լատվիայում (5,21%), Էստոնիայում (4,40%), Վրաստանում (3,82%), Ռուսաստանում (3,26%) եւ Մոլդովայում (3,12%):
