նախընտրելի դարձնել
ԱՄՆ արդարադատության նախարարությունը երեքշաբթի դատական հայց է ներկայացրել ԱՄՆ նախագահի՝ Ազգային անվտանգության հարցերով նախկին օգնական Ջոն Բոլթոնի դեմ՝ Սպիտակ տանն իր աշխատանքի մասին հուշերի առաջիկա հրապարակման կապակցությամբ: Այս մասին նշվում է Կոլումբիայի մայրաքաղաքային շրջանի դաշնային դատարանի տվյալների բազայում հայցադիմումի մեջ, հաղորդում է ՏԱՍՍ-ը:
ԱՄՆ իշխանությունները Բոլթոնին մեղադրում են գաղտնի տեղեկությունների հրապարաման միջոցով պարտավորությունների խախտման մեջ, որոնք նա ստանձնել էր՝ դառնալով նախագահի օգնական:
Արդարադատության նախարարությունը դատարանից պահանջում է արգելել Բոլթոնի հուշերի հրապարակումը՝ գաղտնի տեղեկատվության հնարավոր բացահայտման հետ կապված: Հայցադիմումում նշվում է, որ նախկին նախագահի օգնականի՝ ավելի քան 500 էջանոց գիրքը «լի է գաղտնի տեղեկություններով»: Ըստ մեղադրող կողմի տվյալների՝ ամբաստանյալը հրաժարվել է Սպիտակ տանը գրքի ստուգման շարունակվող գործընթացից, որը նա պարտավոր էր ավարտել՝ ավելի վաղ կնքված համաձայնագրի համաձայն:
«[Բոլթոնը] Միացյալ Նահանգների հետ պայմանագիր է կնքել՝ որպես Միացյալ Նահանգների կառավարության ազգային անվտանգության ոլորտի ամենազգայուն եւ կարեւորագույն պաշտոններից մեկին աշխատանքի ընդունվելու պայմանով եւ այժմ ցանկանում է հրաժարվել այդ համաձայնագրից՝ միակողմանիորեն որոշում կայացնելով, որ հրապարակումից առաջ ստուգման գործընթացն ավարտվել է, ինչպես նաեւ ինքնուրույն որոշելով՝ պետք է արդյոք գաղտնի տեղեկատվությունը հրապարակվի»,- նշվում է փաստաթղթում:
«Քաղաքացիական ազատությունների ամերիկյան միություն» (ACLU) իրավապաշտպան կազմակերպությունը քննադատել է իշխանությունների որոշումը:
Երկուշաբթի ԱՄՆ նախագահ Դոնալդ Թրամփը հույս էր հայտնել, որ Միացյալ Նահանգների իրավասու մարմինները քրեական պատասխանատվության կենթարկեն Բոլթոնին, եթե նա շարունակի հրաժարվել իր հուշերից որոշակի տեղեկություններ հանել՝ ԱՄՆ կառավարության փաստաբանների պահանջներին համապատասխան:
Բոլթոնի գիրքը պետք է լույս տեսներ մարտ ամսին, սակայն դրա հրատարակումը հետաձգվեց նախ մինչեւ մայիս, իսկ հետո՝ մինչեւ հունիսի 23-ը: Հունվարի 23-ին Սպիտակ տան ազգային անվտանգության խորհուրդը Բոլթոնի փաստաբան Չարլզ Կուպերին ծանուցում ուղարկեց այն մասին, որ գիրքը պետական գաղտնիք պարունակող տեղեկատվություն է պարունակում եւ ուստի չի կարող հրատարակվել իր ներկայիս ձեւով: Իսկ քննադատները կարծում են, որ Սպիտակ տունը փորձում է կանխել հուշերի ամբողջական տեքստի հրապարակումը՝ նոյեմբերին սպասվող ընտրությունների նախաշեմին նախագահի դիրքերին վնասը կանխելու համար: Թրամփը մտադիր է դրանցում վերընտրվել ԱՄՆ նախագահի պաշտոնում:
Հայտնի է, որ մեմուարներն անկողմնակալ բնույթ են կրում Թրամփի նկատմամբ: Անցյալ ուրբաթ Simon and Schuster պարբերականը նախորդ ուրբաթ հրապարակել էր գրքի նախաբանը, ըստ որի ՝ Բոլթոնը Թրամփի մոտեցումը արտաքին քաղաքականությանը, ով մինչեւ Սպիտակ տուն գալը խոշոր կառուցող էր, համեմատում է անշարժ գույքի գործարքների հետ, ինչը, ըստ Բոլթոնի, ԱՄՆ դիրքերի թուլացման է հանգեցնում:
Ինչպես հունվարին հաղորդել էրThe New York Times-ը, Բոլթոնի ձեռագրի տեքստում ասվում է, որ անցյալ տարվա օգոստոսին Թրամփը, իբր, ցանկություն է հայտնել շարունակել արգելափակել ռազմական օգնությունն Ուկրաինային, քանի դեռ Կիեւը հետաքննություն չի սկսել ԱՄՆ նախկին փոխնախագահ Ջոզեֆ Բայդենի եւ նրա որդու՝ Հանթերի գործով:
Թրամփը Բոլթոնի՝ Ազգային անվտանգության հարցերով իր օգնականի պաշտոնում նշանակման մասին հայտարարել էր 2018-ի մարտին եր հեռացրեց նրան աշխատանքից 18 ամիս անց:
