«Բարգավաճ Հայաստան» կուսակցության առաջնորդ եւ դրա խորհրդարանական խմբակցության ղեկավար Գագիկ Ծառուկյանի վրա բազմաթիվ նյութեր են հավաքվել: Եթե, ինչպես պնդում է ինքը՝ ԲՀ-ի ղեկավարը, նրա դեմ գործը հարուցվել է ի պատասխան հունիսի 5-ի իր հայտարարությանը, ապա ինչ-որ մեկը թող բացատրի, թե ինչպես էր հնարավոր նյութերի այդպիսի ծավալ հավաքել 20 օրվա ընթացքում: Հունիսի 22-ին խորհրդարանում կայացած ավանդական ճեպազրույցների ժամանակ այս մասին ասաց իշխող «Իմ քայլը» դաշինքի պատգամավոր Սուրեն Գրիգորյանը:

Ըստ պատգամավորի՝ դա պարզապես ֆիզիկապես անհնար է: Միեւնույն ժամանակ, ըստ Գրիգորյանի, «Իմ քայլի» պատգամավորները չեն ցանկանում հայտարարել, որ դատավոր Ռոբերտ Պապոյանը, ով մերժել է Ծառուկյանին ձերբակալելու միջնորդությունը, կողմնակալ էր: Ըստ խորհրդարանականի՝ առանց ապացույցների չի կարելի այդպիսի բան պնդել: Ինչպես նշեց Գրիգորյանը, քրեական գործը կախված չէ խափանման միջոցից: «Գործը փակված չէ, դրա քննումը կշարունակվի»,- եզրափակեց նա: