նախընտրելի դարձնել
Իրանի իշխանությունները մոտ 36 հազար բանտարկյալ են ազատ արձակել բանտերում կորոնավիրուսի տարածման դեմ պայքարի ծրագրի նոր փուլի շրջանակներում: Այս մասին հայտարարել է երկրի բանտերի կազմակերպության ղեկավար Մեհդի Հաջ-Մոհամադին, փոխանցում է «Գազետա»-ն՝ վկայակոչելով Tasnim գործակալությունը։
Այդպես, հուլիսի 8-ից ազատ է արձակվել 36 283 մարդ, այդ թվում՝ ինչպես նոր բանտարկյալներ, այնպես էլ նրանք, ում համար ազատության մեջ գտնվելու ժամանակահատվածը երկարաձգվել էր կորոնավիրուսի պատճառով։
Վերջին տվյալների համաձայն՝ Իրանում գրանցվել է COVID-19-ով վարակման ավելի քան 276․2 հազար դեպք, որից մոտ 14.4 հազարը՝ մահացու ելքով: Առողջացել է ավելի քան 240 հազար մարդ։
