նախընտրելի դարձնել
«Kill Dim» հայտնի կարճամետրաժ մուլտիպլիկացիոն սերիալը հնարավոր է կրկին հանրության դատին հանձնվի։ Մուլտիպլիկատոր Հայկ Սահակյանցը NEWS.am-ի հետ զրույցում չբացառեց, որ վերջին օրերին սահմանային լարված իրավիճակի վերաբերյալ նոր «Kill Dim»-ներ կստեղծվեն։
«Միշտ էլ գաղափար ունենք ««Kill Dim»-ներն անելու, ուղղակի պետք է դրա կարիքն ավելի զգանք, ինչ-որ արդիական թեմա գտնենք, որովհետև շատ անգամ կրկնվել ենք որոշ թեմաներում, բայց առհասարակ պլանավորում ենք»,- ասաց Հայկ Սահակյանցը։
Նրա խոսքով՝ դեռ հստակ չէ, թե ե՞րբ և ի՞նչ ձևաչափով է լինելու, էսքիզներ՝ չկան, սցենարի մասին են մտածում։
Հայկ Սահակյանցից հետաքրքվեցինք նաև, թե ինչո՞վ է պայմանավորված, որ այս ընթացքում շատերի կողմից սիրված «Kill Dim»-ների պրոյեկտը դադարեցված էր, ինչին ի պատասխան մուլտիպլիկատորն ասաց, որ երբ յութուբյան իրենց էջը ջնջվել էր, որոշ բարդություններ առաջացան։
«Փորձում էինք այդ հարթակը վերականգնել, բայց չստացվեց ։ Նոր ալիք բացեցինք, որ կրկին ջնջվեց։ Հիմա միայն ֆեյբուքում կանք»,- ամփոփեց նա։
Այնուամենայնիվ, հայ–ադրբեջանական սահմանային վերջին էսկալացիայի օրերին «Kill Dim»-ն ուրախացրել է իր ֆեյսբուքյան հետևորդներին մի քանի ծաղրանկարներով, և տեղադրել «Kill Dim blitz» հոլովակը։
