Հայտնի օվկիանոսագետ Ժակ-Իվ Կուստոուի թոռը որոշել է շարունակել ընտանեկան գործը՝ 135 միլիոն դոլարով կառուցելով աշխարհում ամենամեծ ստորջրյա բնակեցված կայաններից մեկ: Գիտնականները կկարողանան ամիսներ շարունակ ապրել ՄՏԿ-ի նման ստորջրյա տանը՝ ուսումնասիրելով կլիմայի փոփոխությունները եւ նոր դեղամիջոցներ մշակելով, գրում է Forbes- ը:

Նախագիծը ստացել է Proteus անվանումը՝ հին հունական աստծո պատվին, ով գիտելիքի պահապան էր համարվում եւ կարող էր տարբեր տեսք ընդունել:
Ֆաբիենը պլանավորում է շարունակել պապի գործը՝ ստորջրյա տուն եւ հետազոտական ​​կայան կառուցելով, որը կդառնա ամենամեծերից մեկը պատմության մեջ: Կայանը կառուցելու համար կպահանջվի երեք տարի, այն կտեղակայվի 18 մ խորության վրա, ծովային պահպանվող գոտում՝ կարիբյան Կյուրասաո կղզու ափամերձ հատվածից քիչ հեռու: Մինչեւ 12 մարդ կկարողանա ապրել այնտեղ ջրի տակ մի քանի շաբաթ եւ հնարավոր է նույնիսկ՝ ամիսներ:

Սա լուրջ առաջընթաց է ստորջրյա բնակելի կայանների համար, որոնք նախկինում իրենց չափերով համեմատելի էին մինիվենի կամ դպրոցական ավտոբուսի հետ։

Կայանի կառուցումն ու առաջին երեք տարիների ընթացքում այն ​​պահելը մոտ 135 միլիոն դոլար  կարժենա, եւ Ֆաբիենն այժմ փորձում է ներդրողների ներգրավել՝ նախագիծն իրականություն դարձնելու համար։