Նախընտրելի
Հայաստանի վերահսկիչ պալատը, ստուգումների արդյունքում, բացահայտումներ է արվել Գյումրիի երկու սոցիալական ծառայություններում:
Այս առնչությամբ Վերահսկիչ պալատի նախագահ Իշխան Զաքարյանը Գյումրի այցելության ժամանակ ասել է. «Թեեւ Վերահսկիչ պալատի գործը չէ, հետեւողական լինել ու ճշտել, թե արդյոք, գումարները վերադարձվո՞ւմ են պետական բյուջե, թե` ոչ, կեղծիքներ թույլ տված անձինք ենթարկվո՞ւմ են պատասխանատվության, թե` ոչ, սակայն, այնուամենայիվ, Վերահսկիչ պալատը հետեւողական է: Մենք գիտենք, թե յուրաքանչյուր ստուգումներից հետո ինչ գործընթաց է հաջորդում»:
Իշխան Զաքարյանը չի բացառել նաեւ, որ դարձյալ ստուգումներ լինեն Գյումրիում, թեեւ կոնկրետ ժամկետներ չի մատնանշել: Նրա ներկայացմամբ, այդ ստուգումերի կարիքը կա:
«Անելու ենք այնպես, որ նպաստառուների եւ թոշակառուների ցուցակները լիարժեք մաքրվեն, որովհետեւ խոսքը գնում է խոշոր յուրացումների մասին»,-ասել է Զաքարյանը, օրինակ բերելով «Հայփոստ» ընկերության կողմից կենսաթոշակառուների ցուցակների ճշգրտման արդյունքները, որի արդյունքում 2011թ. առաջին եռամսյակում պետական բյուջեի տնտեսումը կազմել է 3.3 միլիարդ դրամ:
« Այնպես որ յուրաքանչյուր ստուգում ենթադրում է պետական միջոցների խնայողություն»,-ասել է Վերահսկիչ պալատի նախագահը:
