Իրանում ձերբակալված  եւ լրտեսության մեջ մեղադրվող ամերիկացի զբոսաշրջիկներ Շեյն Բաուերի եւ Ջոշուա Ֆետալի մայրերը մայիսի 19-ին հացադուլ են հայտարարել:  Կանայք հայտարարել են, որ այդ քայլին գնացել են հանրության ուշադրությունը որդիների ճակատագրին հրավիրելու եւ Իրանի իշխանությունների վրա ազդելու համար:

ԱՄՆ-ից երեք զբոսաշրջիկներ` Բաուրերը, Ֆետելը եւ Սարա Շուրդը ձերբակալվել էին իրան-իրաքյան սահմանին 2009թ. հուլիսին: Նրանց մեղադրել էին սահմանն անպօրինի հատելու եւ լրտեսության մեջ: Կալանավորվածները սակայն պնդել են, թե սահմանն անցել են պատահաբար`  հարեւան Իրաքի տեսարժան վայրերը դիտելով:

2010թ-ին ձերբակալվածների մայրերն աջակցության խնդրանքով դիմել էին Իրանի հոգեւոր առաջնորդ այաթոլլահ Ալի Խամենեին: