նախընտրելի դարձնել
Վարչապետ Նիկոլ Փաշինյանը շնորհավորական ուղերձ է հղել Բրազիլիայի Դաշնային Հանրապետության նախագահ Ժաիր Բոլսոնարուին՝ Անկախության օրվա առիթով:
«Բրազիլիայի Դաշնային Հանրապետության ազգային տոնի` Անկախության օրվա կապակցությամբ ջերմ շնորհավորանքներ ու լավագույն մաղթանքներ եմ հղում Ձեզ եւ Բրազիլիայի բարեկամ ժողովրդին:
Հայաստանի եւ Բրազիլիայի միջեւ հաստատվել են գործընկերային սերտ հարաբերություններ՝ հիմնված փոխադարձ հարգանքի եւ վստահության վրա:
Լիահույս եմ, որ համատեղ ջանքերով մեզ կհաջողվի առաջ մղել մեր երկկողմ համագործակցության օրակարգը` հագեցնելով այն նոր ծրագրերով ու նախաձեռնություններով:
Բարձր ենք գնահատում Բրազիլիայի կարեւորագույն դերը տարածաշրջանային եւ համաշխարհային հարցերում: Համոզված եմ, որ ձեր գեղեցիկ եւ գրավիչ երկիրը շուտով կհաղթահարի համավարակի մարտահրավերը եւ կշարունակի իր ընթացքը զարգացման ճանապարհով», - ասված է ՀՀ վարչապետի ուղերձում:
