նախընտրելի դարձնելՄայիսի 16-ից 21-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է 200-ից ավելի անգամ, ինչի արդյունքում հայկական դիրքերի ուղղությամբ, տարբեր տրամաչափի զինատեսակներից արձակվել է շուրջ 1500 կրակոց:
Լեռնային Ղարաբաղի պաշտպանության բանակի լրատվության եւ քարոզչության բաժնից NEWS.am-ին հայտնում են, որ բացի ինքնաձիգերից, առաջնային գծում հակառակորդը կիրառել է նաեւ «ՍՎԴ» եւ թուրքական արտադրության «Իստիղալ» տիպի դիպուկահարային հրացաններ, «ՊԿ», «ԴՇԿ» եւ «ՈՒՏՅՈՍ» տիպի գնդացիրներ:
Պաշտպանության բանակի առաջապահ ստորաբաժանումների կողմից ձեռնարկված համարժեք գործողություններից հետո հակառակորդի կրակային ակտիվությունը ճնշվել է: Հայկական կողմը կորուստներ չի ունեցել:
