Արցախում ռուս եւ հայ լրագրողներով ու ամերիկացի կամավորներով միկրոավտոբուսը հրետակոծության տակ է հայտնվել, հաղորդում է «ՌԻԱ Նովոստի»-ն՝ հղում անելով իր թղթակցին: 

Մասնավորապես, հրետակոծության տակ են հայտնվել «Վրեմյա պոկաժետ» ծրագրի, «Առաջին ալիքի», «ՌԻԱ Նովոստի»-ի թղթակիցները եւ հայկական հեռուստաալիքների 4 լրագրողներն ու օպերատորը, ինչպես նաեւ ԱՄՆ-ից մեկ կամավոր, ով մշտական աշխատում է Երեւանում:

Լրագրողներն ավելի վաղ այցելել են Մարտակերտ քաղաք, որն այս պահին ամբողջությամբ դատարկ է, քանի որ հրետակոծությունները շարունակվում են: Ավերածությունները ֆիքսելուց եւ զինվորականների հետ հարցազրույցից հետո ԶԼՄ-ների ներկայացուցիչները Ստեփանակերտ վերադարձի ճանապարհին հայտնվել են հրետակոծության տակ:

«Մարտակերտից դուրս գալուց, երբ ավտոբուսն անցնում էր զինվորների դիրքերի մոտով, հանկարծակի հրետակոծոթյուն սկսվեց, ավտոբուսի մոտ պայթյուն որոտաց, ինչի հետեւանքով ավտոբուսի կողային ապակին կոտրվեց: Լրագրողները պառկեցին ավտոբուսի սրահի հաակին: Որոշվեց, որ ավտոբուսը պետք է կանգ առնի, եւ մենք պետք է թաքնվենք»,-ասել է «ՌԻԱ Նովոստի»-ի թղթակիցը:

Հրետակոծության ավարտից հետո լրագրողներին տեղի մամուլի կենտրոնից ուղեկցողը որոշել է վերադառնալ ավտոբուս եւ շտապ լքել քաղաքը:  

Հաղորդվում է, որ տուժածներ չկան: