նախընտրելի դարձնելԹբիլիսիի քաղաքային դատարանում Վրաստանի նախագահ Միխայիլ Սահակաշվիլիին վիրավորանք հասցնելու փաստով դատավճիռ է կայացվել, հաղորդում է «Ինտերֆաքսը»:
Միջադեպը տեղի է ունեցել մայիսի 27-ին: Մարջանիշվիլիի անվան թատրոն այցելելու ժամանակ Սահակաշվիլիի ուղղությամբ շոկոլադ էին նետել, ինչպես նաեւ վիրավորական արտահայտություններ էին հնչել նրա հասցեին:
Մեղադրյալի աթոռին հայտնվել էր երեք մարդ: Դեպքի վայրում ձերբակալվել էին Վախթանգ Մաիսուրաձեն, Գրիգորի Լապիաշվիլին եւ Դավիդ Պացացիան: Առաջին երկուսը մեղավոր էին ճանաչվել ոստիկանության պահանջները չկատարելու եւ մանր խուլիգանության համար ու դատապարտվել էին 90-օրյա վարչական կալանքի եւ 400 լարի (մոտ 300 դոլար) տուգանքի: Այդպես էլ հայտնի չէր դարձել, թե նրանցից ով է նետել շոկոլադը: Իսկ Դավիդ Պացացիան արդարացվել է:
