նախընտրելի դարձնելԱրցախն Ադրբեջանի կազմում ապագա չունի: Նման քայլը միայն կնշանակի, որ Ղարաբաղն առանց հայերի կմնա: Այս մասին նոյեմբերի 5-ին ՀՀ ԱԺ-ում Ֆինանսավարկային եւ բյուջետային հարցերի, ինչպես նաեւ արտաքին հարաբերությունների մշտական խորհրդարանական հանձնաժողովների համատեղ նիստին 2021 թվականի բյուջեի նախագծի քննարկման ժամանակ ասաց ՀՀ արտգործնախարար Զոհրաբ Մնացականյանը:
Նախարարը նշեց նաեւ, որ դրանով հատկապես ընդգծվում է համայն հայության ազգային նպատակը: Նա չի կարծում, որ որեւէ հայ` որտեղ էլ որ լինի, կարող է համակերպվել այն մտքի հետ, որ Արցախի իր հայրենակիցները` ազգային ինքնության պաշտպան 150 հազար մարդ, կարող են որեւէ ռիսկի ենթարկվել: «Մեր բոլոր համազգային ռեսուրսները` բոլոր առումներով, ուղղված են դրան: Եվ մեզ համար չափազանց կարեւոր է միասին եւ նպատակային աշխատել այդ նպատակին հետամուտ լինելու եւ հասնելու համար»,- շեշտեց Մնացականյանը:
