նախընտրելի դարձնել
Թուրքիայի եւ Ռուսաստանի արտաքին գործերի նախարարներ Մեւլութ Չավուշօղլուն եւ Սերգեյ Լավրովը շաբաթ օրը հեռախոսազրույց են ունեցել, հաղորդում է ՏԱՍՍ-ը՝ հղում անելով թուրքական արտաքին քաղաքական գերատեսչությանը։
«Մեր նախարարը բանակցություններ է վարել Ռուսաստանի ԱԳՆ ղեկավար Սերգեյ Լավրովի հետ, քննարկվել է Լեռնային Ղարաբաղի թեման»,- նշել է գործակալության զրուցակիցը:
Շաբաթ օրը, ավելի վաղ, Ռուսաստանի եւ Թուրքիայի նախագահներ Վլադիմիր Պուտինը եւ Թայիփ Էրդողանը նույնպես հեռախոսազրույցներ են ունեցել: Դրանց ընթացքում, ինչպես հաղորդում է Կրեմլի մամուլի ծառայությունը, Ռուսաստանի ղեկավարը իր թուրք գործընկերոջը տեղեկացրել է Ադրբեջանի եւ Հայաստանի ղեկավարների հետ հեռախոսային կապերի մասին, որոնք ուղղված են եղել Լեռնային Ղարաբաղում կարգավորման տարբերակներ գտնելուն։
