նախընտրելի դարձնելՄոտ 3,5 հազար մարդ ստիպված է լքել տները Չիլիի հարավում Պույեուե հրաբխի ժայթքելու պատճառով: Իշխանություններն այդ տարածքում հայտարարել են սպառնալիքի առավելագույն` «կարմիր» աստիճան:
Հրաբխի վրա հայտնվել է ծխի եւ մոխրի հսկայկան սյուն: Մոխրի ամպերը շարժվում են Արգենտինայի ուղղությամբ: Չիլիի սահմանին մոտ գտնվող արգենտինական Բարիոլոչե քաղաքի օդանավակայանը ժամանակավորապես դադարեցրել է չվերթերը:
Հաղորդվում է, որ Պույեուե հրաբխի նախորդ ժայթքումն արձանագրվել է 1960 թ-ին` Չիլիում տեղի ունեցած ավերիչ երկրաշարժից հետո:
