ՆախընտրելիԵվրոպայում բռնկված աղիքային վարակի արդյունքում 19 մարդ է մահացել: Այդ տվյալները հրապարկել է Առողջապահության համաշխարհային կազմակերպությունը: Մահվան 18 դեպք գրանցվել է Գերմանիայում, մեկը` Շվեդիայում:
Հիվանդությունն ընդհանուր առմամբ արձանագրվել է մոտ 2 հազար մարդու մոտ: Հունիսի 4-ի դրությամբ, ըստ ԱՀԿ-ի, աղիքային վարակով հիվանդացության դեպքեր են գրանցվել 12 երկրների տարածքում, այդ թվում` Մեծ Բրիտանիայում, Դանիայում, Իսպանիայում, Նիդեռլանդներում, Նորվեգիայում, Լեհաստանում, Ֆրանսիայում, Չեխիայում եւ Շվեյցարիայում:
Հիշեցնենք, որ աղիքային վարակի դեպքեր գրանցվեցին մայիսին Գերմանիայում: Սկզբնական շրջանում վարակի աղբյուր էին համարվում իսպանական վարունգները, սակայն հետո այդ վարկածը չհաստատվեց: Ռիսկի նվազեցման համար փորձագետները խորհուրդ են տվել բնակչությանն իրենց սննդակարգից բացառել ինչպես թարմ վարունգը, այնպես էլ պոմիդորն ու այլ բանջարեղեններ:
