նախընտրելի դարձնել
Իրանում առաջին անգամ անօդաչու թռչող սարքերի մասնակցությամբ լայնամասշտաբ վարժանքների ընթացքում արհեստական ինտելեկտի կիրառմամբ թռիչքային տարատեսակ մարտավարություններ են իրականացվել: Այս մասին Mehr-ին հայտնել է իրանական բանակի հակաօդային պաշտպանության հրամանատարի տեղակալ, բրիգադային գեներալ Էլհամին:
Նրա խոսքով` արհեստական բանականությունն առաջին անգամ օգտագործվել է զորավարժությունների ընթացքում անօդաչու թռչող սարքերի փորձարկումների ժամանակ:
«Արաշ» դրոն-կամիկաձեն, որը երկար տարածություն է անցել եւ հասել է պոլիգոնին, շատ բարձր ճշգրտությամբ կարողացել է խոցել եւ ոչնչացնել իր թիրախը: «Իրանի Իսլամական Հանրապետության բանակը կարողացել է զգալի հաջողությունների հասնել անօդաչու թռչող սարքերի օգտագործման հարցում պատժամիջոցների ամենադժվար ժամանակահատվածում»,- նշել է նա:
