Թուրքիայի Ժողովրդա-հանրապետական կուսակցության առաջնորդ Քեմալ Քլըչդարօղլուն իտալական La Stampa թերթին տված հարցազրույցում քննադատել է Թուրքիայի  վարչապետ Ռեջեփ Թայիփ Էրդողանին:

Նա նկատել է, որ Էրդողանը երկիրը միայնակ է կառավարում եւ ամեն բան ինքնուրույն որոշում, ինչն «ընդհանրապես ժողովրդավարական չէ»։

Քլըչդարօղլուն նաեւ Էրդողանին մեղադրել է Թուրքիան արաբական երկիր դարձնելու փորձի մեջ, հայտնում է Trend-ը։

Նրա խոսքով, Թուրքիայում իսլամիզացման վտանգ չկա։ Սակայն  նրան ավելի շատ անհանգստացնում է երկրում առկա խոսքի ազատության վիճակը։ «ԵՄ-ին անդամակցել ցանկացող Թուրքիայում 57 լրագրողների ազատությունից զրկելն անհանգստացնում է մեզ»,- ասել է նա։