նախընտրելի դարձնելԲարաք Օբամայի վարչակազմն աշխատում է «ստվերային համացանցի» եւ բջջային կապի «ստվերային» համակարգի ստեղծման ուղղությամբ, որոնք կարող են օգտագործվել այն երկրներում, որտեղ իշխանությունները պատկանում են ռեպրեսիվ ռեժիմներին, գրում է New York Times-ը:
Նախագիծը մշակվում է ԱՄՆ պետքարտուղարության դրամաշնորհի միջոցով, որի ծավալը 2 մլն դոլար է: Նախագծի որոշ մանրամասներ դեռեւս մշակման փուլում են, իսկ դրա ստեղծման մեջ օգտագործվող այլ բաղադրիչներ ու մշակումներ վաղուց լայնորեն կիառվում են հաքերների կողմից:
Նշվում է, որ այն երկրներում, որտեղ փորձ է արվում խափանել կապն արտաքին աշխարհի հետ, մուտքը համացանց հնարավոր կլինի ապահովել այսպես կոչված «ճամպրուկային համացանցի» միջոցով: Հեռահաղորդակացական շրջափակումը վերացնելու համար բավական է ճամպրուկն ուղարկել տվյալ երկիր:
Ինչ վերաբերում է բջջային կապին, ապա «ստվերային» կապը, ըստ էության, արդեն գործում է Աֆղանստանում: Այս նախագծի վրա Պենտագոնն ու Պետքարտուղարությունը ծախսել են առնվազն 50 մլն դոլար:
