նախընտրելի դարձնել
Ժամը 18.00-ին նախատեսված Ազգային ժողովի արտահերթ նիստից առաջ երկրի թիվ մեկ օրենսդիր մարմնի շենքը զինված անձանց խիստ հսկողության ներքո է: Դեմիրճյան փողոցի մուտքի մոտ փշալարերով բեռնված ոստիկանական մեքենաներ ու մեծաքանակ ոստիկաններ են տարվել, գրում է 168.am-ը:
Տելեգրամի Mediaport ալիքը լուսանկարներ է հրապարակել, որոնցում երևում է, թե ինչպես են ԱԺ-ն հսկում ավտոմատներով զինված հատուկջոկատայինները։
«Հայրենիքի փրկության ճակատը» հայտարարել է, որ մնալու են Բաղրամյան պողոտայում: Այս պահին երկու կողմից փակվում են Բաղրամյան պողոտան ու նրան հարակից փողոցները: Ընդդիմադիրները սպասում են ԱԺ պատգամավորներին: Հավանաբար հենց դրանով են պայմանավորված անվտանգության այս աննախադեպ միջոցառումները:
