նախընտրելի դարձնել
Թուրքիան Իսրայելից չի խնդրել դեսպանների փոխանակման համաձայնություն, հայտնում է JPost-ը՝ վկայակոչելով Իսրայելի ԱԳՆ ներկայացուցչին:
Թուրք բարձրաստիճան պաշտոնյան, որը չէր ներկայացել, Israel Hayom-ին հայտնել էր, որ այս շաբաթ Թուրքիան Իսրայելին հայտնել էր իր դեսպանին Թել Ավիվ ուղարկելու պատրաստակամության մասին, եթե իսրայելցի բանագնացը ուղարկվի Անկարա: Արտգործնախարարությունից, սակայն, հայտարարել էին, որ այս հարցով թուրք պաշտոնական որեւէ անձից հարցում չեն ստացել:
Մարտին ավելի վաղ Իսրայելի վարչապետ Բենիամին Նեթանյահուն հայտարարել էր, որ Իսրայելը «Թուրքիայի հետ բանակցություններ է վարում» Միջերկրական ծովում բնական գազի շուրջ, որը Հունաստանի ու Կիպրոսի հետ տարաձայնությունների թեմա է, որոնց հետ Իսրայելը համագործակցում է:
Վերջին 10 տարիներին Իսրայելի եւ Թուրքիայի հարաբերությունները վատթարացել են: Թուրքիայի նախագահ Ռեջեփ Թայիփ Էրդողանը ու նրա «Արդարություն եւ զարգացում» կուսակցությունը հաճախ են Իսրայելը համեմատում նացիստական Գերմանիայի հետ եւ դատապարտում Արեւմտյան ափի իսրայելական «օկուպացիան» ու պաղեստինցիների նկատմամբ վերաբերմունքը, չնայած հյուսիսային Կիպրոսի, Սիրիայի հյուսիսի անօրինական օկուպացիային եւ քրդերի հետապնդումներին:
Ըստ աղբյուրի՝ Էրդողանը «համակարգ ունի», որի միջոցով փորձում է ամրապնդել Իսրայելի եւ Թուրքիայի տնտեսական կապերը՝ միեւնույն ժամանակ աջակցելով Իսրայելի վրա հարձակվող իսլամիստ ծայրահեղականներին: «Նա չի կարող ունենալ թե՛ մեկը, թե՛ մյուսը»,- ասել է դիվանագիտական աղբյուրը: Դեկտեմբերին Էրդողանն ասել էր, որ Թուրքիան «կցանկանար բարելավել մեր հարաբերությունները [Իսրայելի հետ]: «Եթե [Իսրայելում] բարձրագույն մակարդակում խնդիրներ չլինեին, մեր հարաբերությունները կարող էին միանգամայն այլ լինել»,- ասել էր Էրդողանը՝ ակնհայտորեն մեղադրելով Նեթանյահուին երկրների լարված հարաբերությունների մեջ:
1949 թվականին կապեր հաստատելուց հետո Թուրքիան եւ Իսրայելը տասնամյակներ շարունակ դաշնակիցներ են եղել: Բայց վերջին տարիներին այս հարաբերությունները սասանվել են:
Վերջին 70 տարիներին Թուրքիան մի քանի անգամ հետ է կանչել Իսրայելում իր դեսպանին եւ վտարել իսրայելցի դեսպաններին, վերջին անգամ՝ 2018 թվականին այն բանից հետո, երբ ԱՄՆ-ն Երուսաղեմը ճանաչեց Իսրայելի մայրաքաղաք:
Թուրքիան քննադատել է նաեւ Իսրայելի եւ արաբական չորս երկրների միջեւ դիվանագիտական հարաբերությունների հաստատման մասին Աբրահամի համաձայնագիրը:
