Գերմանիայի, Ֆրանսիայի եւ Ուկրաինայի առաջնորդները Ռուսաստանին կոչ են արել դուրս բերել հավելյալ զորքերը Ուկրաինայի եւ Ղրիմի սահմանից:

Գերմանիայի կանցլեր Անգելա Մերկելը, Ֆրանսիայի նախագահ Էմանուել Մակրոնը եւ Ուկրաինայի նախագահ Վլադիմիր Զելենսկին մտահոգություն են հայտնել ռուսական ռազմական ուժի ավելացման կապակցությամբ եւ կոչ արել դուրս բերել այն՝ ապաէսկալացիայի հասնելու համար:

Զելենսկին մեկնել է Փարիզ՝ հանդիպելու Մակրոնի հետ: Նրանք տեսահամաժողով են անցկացրել Գերմանիայի կանցլերի հետ: