Վարչապետ Նիկոլ Փաշինյանը քիչ առաջ հեռացավ Ագարակ քաղաքից։ Սյունեցիները Փաշինյանին թույլ չտվեցին երթ անցկացնել Ագարակում։ 

Նշենք, որ Ագարակում վիրավորանքներն ու հայհոյանքները լսելուց հետո Նիկոլ Փաշինյանը բարձրախոսով արձագանքում էր. «Ողջունում եմ, ժողովուրդ ջան, ողջույններ, ողջույններ»։

Քաղաքացիներն էլ նրա ողջույններին արձագանքում էին հետեւյալ կերպ․ «Ողջույն «բ…ի»–ի տղա։ Ոչ մեկ քեզ ձեռքով չի անում, այնտեղ մարդ չկա, ժողովուրդ ջան, ոչ մեկ քեզ չի ողջունում։ Կապիկ, կապիկ, կապիկ… Նիկոլ, դավաճա՛ն, կապիտուլյա՛նտ…»։

Այնուամենայնիվ Փաշինյանը շարունակում էր քայլել հայհոյանքների եւ վիրավորանքների ներքո։

Դեպի իր ավտոմեքենան քայլելը Փաշինյանը արձագանքում էր քաղաքացիների վանկարկումներին. «Ճի՛շտ եք, մենք ենք մեղավոր, մենք ենք մեղավոր, ճիշտ եք։ Ներողություն եմ խնդրում բոլորիցդ այ սրա համար, ներողություն եմ խնդրում բոլորիցդ, այս հարցն էլ ենք կարգավորելու»։ Երբ մոտեցավ մեքենային՝ քաղաքացիները նրա ուղղությամբ բղավեցին․ «Գնա, էլ չգաս ստեղ… Նիկոլ ս…ր, Նիկոլ ս…ր …»։

Հիշեցնենք, որ երթի ընթացքում սյունեցիները հայհոյանքներ եւ վիրավորանքներ էին հնչեցնում Փաշինյանի հասցեին եւ հորդորում հեռանալ Ագարակից։ 

Նշենք, որ այսօր՝ ապրիլի 21-ին, սյունեցիները  նրան դիմավորել են՝ «Նիկոլ դավաճան», «Նիկոլ թուրք», «Բարեւ բ… տղա», «Ողջույն բ… տղա», «Քեզ ոչ մեկ չի ողջունում», «Կապիկ», «Ողջույն, կապիտուլյանտ» վանկարկումներով։ Այդ լարված միջոցին քաշքշուկ է սկսվել ոստիկանների եւ սյունեցիների միջեւ։

Երեկ՝ ապրիլի 20-ին, NEWS.am-ը հայտնել էր, որ Փաշինյանի խիստ գաղտնի պայմաններում ուղեւորվել է Սյունիքի մարզ։ Նրա այցի մասին տեղեկությունը խիստ գաղտնի է պահվել, ուժայիններն այդ մասին իմացել են վերջին պահին, նույնիսկ ճանապարհային ոստիկանությանն ընդամենը կես ժամ առաջ են տեղեկացրել, որ պետք է ուղեկցեն վարչապետին։

Նշենք՝ երեկ՝ երեկոյան արդեն NEWS.am-ին հայտնի դարձավ, որ Փաշինյանը գիշերով այցելել է Շուռնուխ համայնք։

Մամուլում լուրեր են շրջանառվում, որ Փաշինյանին բնակիչները ընդունել են վրդովված եւ սառը։

Հիշեցնենք, որ նախօրեին անսպասելիորեն փոխվել են Սյունիքի ոստիկանապետը, նրա տեղակալը, Գորիսի եւ Կապանի ոստիկանապետերը։ Մեկ համայնքից բացի Սյունիքի բոլոր համայնքների ղեկավարները հրապարակավ պահանջել են Փաշինյանի հրաժարականը։