նախընտրելի դարձնելՉինաստանում հունիսի 22-29-ը, իսկ Ուկրաինայում հունիսի 30-ից հուլիսի 5 -ը կանցկացվեն հայկական մշակույթի օրեր:
Ինչպես NEWS.am-ին հայտնեցին Հայաստանի մշակույթի նախարարության մամլո ծառայությունում, Չինաստանում հայկական պատվիրակությունը կղեկավարի մշակույթի նախարար Հասմիկ Պողոսյանը:
Բացի համերգային ծրագրերից եւ ցուցահանդեսներից, մշակութային օրերի շրջանակում Հայաստանի եւ Չինաստանի մշակույթի նախարարների միջեւ կստորագրվի 2012-2014թթ. համագործակցության ծրագիր:
Ուկրաինայում Հայաստանի օրերը կանցկացվեն ՀՀ նախագահ Սերժ Սարգսյանի պաշտոնական այցի հետ զուգահեռ:
Միջոցառումների շրջանակում կկայանա գալա-համերգ, կբացվի «Հայկական հետքը Ուկրաինայում» խորագրով ֆոտոցուցահանդես, կլինի հայկական ֆիլմերի հետահայաց ցուցադրություն, հանդիպումներ գրողների հետ, շնորհանդեսներ, ժամանակակից արվեստի ցուցահանդեսներ:
