նախընտրելի դարձնելԿազանում Հայաստանի, Ռուսաստանի եւ Ադրբեջանի նախագահների եռակողմ հանդիպումը շարունակվում է արդեն 2,5 ժամ։ Այս մասին Կազանից հայտնում է NEWS.am-ի թղթակիցը։
Ինչպես արդեն տեղեկացրել է NEWS.am-ը, հանդիպումն սկսվել է Երեւանի ժամանակով ժամը 17:55-ին:
Սա Հայաստանի եւ Ադրբեջանի նախագահների արդեն երկրորդ հանդիպումն է այս տարի. Նախորդ հանդիպումը կայացել էր Սոչիում` մարտի 5-ին:
ՌԴ ԱԳՆ-ի կողմից նախօրեին տարածած հաղորդագրության մեջ նշվել է, որ Կազանի հանդիպումը կոչված է «եզրագծային դեր» խաղալ ԼՂ հակամարտության կարգավորման հարցում: Փաստաթուղթը, որը քննարկվելու է Կազանում, կողմերի եւ համանախագահների համատեղ աշխատանքի կարեւոր ժամանակահատվածի արդյունքն է: Այն իրական հիմք է հետագա առաջընթացի եւ դրան հաջորդող համապարփակ խաղաղ համաձայնագրի հասնելու համար:
ԱՄՆ-ի եւ Ֆրանսիայի նախագահները եւս կողմերին կոչ են արել հաջողություն արձանագրել Կազանի գագաթաժողովում:
