նախընտրելի դարձնելԻրանի նախագահ Մահմուդ Ահմադինեժադը կոչ է արել երկրի իշխանությունների դադարեցնել իր կառավարության աշխատակիցների կալանավորումները: Համապատասխան հայտարարություն Իրանի նախագահն արել է հունիսի 29-ին մամուլի ասուլիսի ժամանակ, հաղորդում է IRNA-ն:
«Կառավարությունը առաջին դիրքերում է եւ եթե նրանց սկսեն նեղել, իմ պարտքը կլինի կանգնել նրանց թիկունքին»,- հայտարարել է Ահմադինեժադը: Իր հայտարարությունը նա արել է, երբ պարզ է դարձել, որ կալանավորվել են նախագահի աշխատակազմի ղեկավար Էսֆանդյար Ռահիմ Մաշեիի մի շարք կողմնակիցներիի:
Մասնավորապես, հունիսի 23-ին կալանավորվել է Իրանի ԱԳ նախկին փոխնախարար Շարիֆ Մալեքզադեն: Դրանից առաջ նա ստիպված էր լքել փոխնախարարի պաշտոնը, քանի որ նրա նշանակմանը դեմ էին հանդես եկել Մեջլիսի պահպանողական տրամադրված պատգամավորները:
Շարիֆ Մալիզադեն մեղադրվում է կոռուպցիայի եւ օրենքը խախտելու դեմ:
Ավելի վաղ Իրանի 25 օրենսդիրներ փաստաթուղթ էին ստորագրել ԱԳ նախարարին իմպիչմենթի ենթարկելու վերաբերյալ, երբ վերջինս իր տեղակալ նշանակեց Շարֆ Մալիքզադեին:
Դրանից հետո Իրանի ԱԳ նախարար Ալի Աքբար Սալեհին խոստացել էր պաշտոնից ազատել իր նոր տեղակալ Մալիքզադեին, եթե ապացուցվի, որ նա խախտել է օրենքը:
Իրանի խորհրդարանում տեղի ունեցած հանդիպման ժամանակ խորհրդարանականները Սալեհիին տեղեկացրել են իմպիչմենթի նախաձեռնության պատճառների մասին:
Սալեհին ընդունել է, որ քրեական անցյալով մարդու առկայությունն ԱԳՆ-ում չի բխում երկրի շահերից եւ ազատել նրան պաշտոնից:
Ավելի ուշ Իրանի խորհրդարանը դադարեցրել է ԱԳ նախարար Ալի Աքբար Սալեհիի իմփիչմենթի գործը:
