Արցախի հարավային շրջաններում (Հադրութ, Վարանդա, Ջրական) այսօր իրականացված որոնողական աշխատանքների արդյունքում հայտնաբերվել եւ տարհանվել է եւս 2 աճյուն։ Այս մասին ֆեյսբուքյան իր էջում գրել է Արցախի ՆԳՆ Արտակարգ իրավիճակիների պետական ծառայության հասարակայնության հետ կապերի բաժնի պետ Հունան Թադեւոսյանը:

Նախնական տվյալներով նրանք ռազմական գործողությունների մասնակիցներ են։ Ինքնությունը կպարզվի միայն դատաբժշկական փորձաքննությունից հետո։

2020 թվականի նոյեմբերի 13-ից մինչեւ 2021թվականի  հուլիսի 1-ը, Արցախի կորուսյալ տարածքներից տարհանվել է ռազմագործողությունների մասնակից եւ քաղաքացիական անձանց 1590 աճյուն։