նախընտրելի դարձնել
«Թալիբան» շարժման կողմնակիցները վերահսկողություն են հաստատել Աֆղանստանի Պակտիա նահանգի Սայեդ Քարամ շրջանի վրա, Twitter-ի էջում հայտնել է թալիբների ներկայացուցիչ Զաբիուլլահ Մուջահիդը: Նա պնդում է, որ տեղի ոստիկանության պետը անցել է արմատականների կողմը, փոխանցել է ՏԱՍՍ-ը:
«Թալիբները եւ նրանց դաշնակիցները կորուստներ են պատճառել զինվորներին, գրավել երկու տանկ եւ զենք ու զինամթերք», - նշել է Մուջահիդը: Նա նաեւ հավելել է, որ կառավարական ուժերը նահանջել են:
Քաբուլի աղբյուրները դեռ չեն հայտնում Պակտիա նահանգում տիրող իրավիճակի մասին, որը արեւելքից սահմանակից է Պակիստանին: Սայեդ Քարամ շրջանի գրավումը թալիբներին հնարավորություն կտա կիսել նահանգը եւ կհեշտացնի նրանց առաջխաղացումը դեպի վարչական կենտրոն Գարդեզ:
