նախընտրելի դարձնել
Աֆղանստանի մայրաքաղաք Քաբուլում գտնվող նախագահական պալատից «Թալիբանը» շուտով կհայտարարի «Աֆղանստանի իսլամական էմիրության» ստեղծման մասին, հաղորդել է AP-ն՝ վկայակոչելով թալիբների ներկայացուցիչներին:
Երկիրն այդպես է կոչվել «Թալիբանի» կառավարության օրոք, որը վտարվել է ԱՄՆ-ի գլխավորած ուժերի կողմից 2001 թվականի սեպտեմբերի 11-ի ահաբեկչությունից հետո:
Նշենք, որ թալիբները այսօր գրավել են Քաբուլը մեկշաբաթյա բլից հարձակումից հետո, որի ընթացքում նրանց վերահսկողության տակ են անցել նահանգների մեծ մասի խոշոր քաղաքներն ու կենտրոնները: Նախագահ Աշրաֆ Ղանին լքել է երկիրը:
