Թուրքիան եւ Եգիպտոսը պայմանավորվել են շարունակել բանակցությունները՝ հարաբերությունների վերականգնման եւ վերջնական կարգավորման համար՝ տարաձայնությունների վերացմանն ուղղված բանակցությունների երկրորդ փուլի ավարտից հետո, ասվում է երկու երկրների համատեղ հայտարարության մեջ, փոխացնել է Reuters-ը:

Բանակցություններն Անկարայում անցկացվել են երկու օր՝ փոխարտգործնախարարների ղեկավարությամբ:

Սա երկրորդ բարձր մակարդակի քաղաքական խորհրդակցությունն է տարածաշրջանային մրցակիցների միջեւ մայիսից ի վեր, երբ Եգիպտոսը ընդունեց թուրքական պատվիրակությանը՝ մի քանի երկրների հետ լարվածությունը թուլացնելու Անկարայի ջանքերի ֆոնին:

Անկարայի կապերը Կահիրեի հետ բարդ են՝ 2013 թվականին եգիպտացի ​​զինվորականների կողմից «Մուսուլման եղբայրներ» շարժման նախագահ Մուհամեդ Մուրսիի տապալումից ի վեր:

Չորեքշաբթի կայացած բանակցությունները վերաբերում էին երկկողմ եւ տարածաշրջանային խնդիրներին՝ ներառյալ Լիբիան, Սիրիան, Արեւելյան Միջերկրականը եւ իսրայելա-պաղեստինյան հակամարտությունը: