Արցախում բնակարանային հարցը մնում է կարեւորներից մեկը։ Այս մասին ՀՀ ԱԺ նիստում Մարդու իրավունքների պաշտպանության եւ հանրային հարցերի մշտական հանձնաժողովի նախաձեռնած քննարկման ժամանակ հայտարարեց Արցախի օմբուդսմեն Գեղամ Ստեփանյանը։

Իրավապաշտպանի խոսքով՝ մարդիկ ապրում են նկուղներում, որտեղ ապահովված չեն նույնիսկ ամենատարրական կենցաղային պայմանները։ «Նրանք զրկված են նորմալ սանիտարական պայմաններից։ Դա ամենալուրջ խնդիրն է, քանի որ մարդիկ տուն չեն գտնում։ Այդ թվում մոտ 22 000 արցախցի դեռ չի վերադարձել հայրենիք»,-պարզաբանեց Ստեփանյանը։

Միեւնույն ժամանակ, նա նշեց, որ վարձակալության չափը, որը վճարում է պետությունը, չի պատասխանում շուկայական գներին։ «Ես առաջարկ եմ արել Արցախի կառավարությունն ու գիտեմ, որ համապատասխան քայլեր են ձեռնարկվում»,-ասել է օմբուդսմենը։

Բացի այդ, Ստեփանյանի խոսքով, արցախցիները բախվում են Հայաստանում բազմաթիվ խնդիրների։ Նա նկատեց, որ նորմալ բնակարանային պայմանների ստեղծման համար անհրաժեշտ նյութական միջոցները չեն բավարարում։