նախընտրելի դարձնել
Հարավային Կովկասի հետ հարաբերությունների գծով պատվիրակության ղեկավար, Եվրախորհրդարանի պատգամավոր Մարինա Կալուրանդի, Հայաստանի հարցով Եվրախորհրդարանի մշտական զեկուցող Անդրեյ Կովաչեւի եւ Եվրախորհրդարանի մշտական զեկուցող Ժելյանա Զովկոյի համատեղ հայտարարությունը` Հայաստանի եւ Ադրբեջանի միջեւ սահմանին սրացման եւ Լեռնային Ղարաբաղի հակամարտության վերաբերյալ:
«Մենք լրջորեն մտահոգված ենք երեկ Հայաստանի եւ Ադրբեջանի սահմանին լարվածության վերջին աճից հետո տեղի ունեցած ծանր մարտերով։
Ադրբեջանի կողմից ենթադրյալ սադրանքներին ի պատասխան սկսված ռազմական օպերացիան անցյալ տարվա նոյեմբերի 9-ի հրադադարի համաձայնագրի մինչ օրս տեղի ունեցած ամենավատ խախտումն է, ինչի հետեւանքով դեռ չհաստատված թվով սպանված, վիրավորված եւ գերեվարված զինվորներ կան:
Մենք իրավիճակի արագ դեէսկալացման կոչ ենք անում եւ ողջունում ենք Եվրոպական խորհրդի նախագահի մասնակցությունը եւ Ռուսաստանի միջնորդությամբ հրադադարի մասին հաղորդումը։ Մենք կրկնում ենք, որ սահմանի շուրջ ցանկացած հնարավոր տարաձայնություն պետք է լուծվի բանակցությունների միջոցով սահմանների սահմանազատման եւ սահմանագծման գործընթացում, այլ ոչ թե ուժի կիրառմամբ եւ միակողմանի գործողություններով։
Մենք դատապարտում ենք «բորդերացման» ցանկացած փորձ, որ նկատվել է մայիսի 12-ին ադրբեջանական զորքերի՝ Հայաստանի տարածք ներխուժումից հետո։
Մենք աջակցում եւ կոչ ենք անում բացել տնտեսական եւ տրանսպորտային կապերը, ինչպես նախատեսված է նոյեմբերի 9-ի հրադադարի համաձայնագրով, ինչը շատ ձեռնտու կլինի ողջ տարածաշրջանի համար։ Որը միացում է ներառում Ադրբեջանի արեւմտյան շրջանների եւ Նախիջեւանի Ինքնավար Հանրապետության միջեւ։ Հաջողության հասնելու համար կողմերը պետք է հետեւեն համաձայնագրի տեքստին եւ խուսափեն չափազանց լայն մեկնաբանություններից:
Բացի այդ, մենք մտահոգված ենք Ադրբեջանի հայկական քաղաքներն ու գյուղերը կապող ճանապարհներով երթեւեկության դժվարացման մասին հաղորդումներով, եւ մենք կարծում ենք, որ այդ վարքագիծը հակասում է այս համաձայնագրի ոգուն եւ չափազանց բարդացնում է տեղի բնակիչների կյանքը:
Մենք նաեւ ցավում ենք, որ, չնայած միջազգային հանրության բազմաթիվ կոչերին, այդ թվում՝ Եվրախորհրդարանի 2021 թվականի մայիսի 20-ի բանաձեւին, հակամարտության հետ կապված ձերբակալված բազմաթիվ հայ կալանավորներ դեռ ազատ չեն արձակվել, եւ մենք կրկին դիմում ենք Ադրբեջանի իշխանություններին այս հարցով։
Կրկնում ենք նաեւ ականապատ դաշտերի բոլոր թարմացված քարտեզներով փոխանակվելու կոչը, որպեսզի խաղաղ բնակիչները կարողանան վերադառնալ նախկին կոնֆլիկտի շրջաններ:
Եվս մեկ անգամ հիշեցնում ենք վստահության ամրապնդման միջոցառումներին աջակցելու եւ բանակցային սեղանի շուրջ ցանկացած հարց լուծելու ԵՄ պարտավորության մասին, մասնավորապես՝ հակամարտության երկարաժամկետ կարգավորման եւ գործընթացում Լեռնային Ղարաբաղի տարածաշրջանի ապագա կարգավիճակի շուրջ բանակցությունների վերսկսման ճանապարհով»:
