նախընտրելի դարձնելՌուսական «Իժմաշ» կոնցեռնը սկսել է նոր ինքնաձիգ մշակել, որը տարբերվում է Կալաշնիկովի ինքնաձիգի սխեմայից: Ըստ ծրագրի, Կալաշնիկովին փոխարինողը ստեղծվելու է զրոյից:
«Իժմաշ»-ի գլխավոր տնօրենի ժամանակավոր պաշտոնակատար Մաքսիմ Կուզյուկի խոսքով, նոր ինքնաձիգը «կարող է մրցակցել հրազենի ամենաժամանակակից տեսակների հետ», հաղորդում է ԻՏԱՌ-ՏԱՍՍ-ը:
«Իժմաշ»-ը նաեւ նախատեսում է շարունակել 200-րդ դասի ԱԿ ինքնաձիգների թողարկումն ու արդիականացումը: Արդիականացված ինքնաձիգները ավելի հարմարավետ, ճշգրիտ եւ հստակ են աշխատելու:
Նշենք, որ Ադրբեջանը ռուսական լիցենզիայի հիման վրա ԱԿ-47Մ ինքնաձիգի սերիական արտադրություն է սկսել: Ինչպես հաղորդում է ադրբեջանական APA գործակալությունը, ինքնաձիգն ստացել է «Հազրի» անվանումը:
Ըստ ադրբեջանական աղբյուրների, այդ զենքը մի քանի չափանիշներով տարբերվում է ռուսական արտադրության ինքնաձիգներից:
Ադրբեջանական տարբերակի վրա կարելի է տեղադրել գիշերը տեսնելու նաեւ լազերային սարքավորումներ: Փոփոխվել է նաեւ արտաքին տեսքը, սակայն քաշը մնացել է նույնը:
Այս տարի Արդբեջանը նախատեսում է արտադրել մինչեւ 5 հազար «Հազրի» ինքնաձիգ:
