նախընտրելի դարձնելԵգիպտոսի վարչապետ Էսամ Շարաֆը կարգադրել է աշխատանքից ազատել իրավապահ մարմիների բոլոր այն աշխատակիցներին, որոնք մասնակցություն են ունեցել տարվա սկզբին երկրում անցկացված հանրահավքների մասնակիցների սպանությանը:
Ինչպես հաղորդում է «France-Presse»-ը, այդ մասին նա հայտարարել է հուլիսի 9 –ի հեռուստաուղերձում:
Նշենք, որ ցուցարարների սպանության մեջ կասկածվող ոստիկաններին աշխատանքից ազատելու եւ պատժի ենթարկելու պահանջով հանդես էին եկել հուլսիի 8 –ին Կահիրեի կենտրոնական Թահրիր հրապարակում բազմահազարանոց հանրահավաքի մասնակիցները:
Ցուցարարների մյուս հիմնական պահանջը վերաբերում էր Հոսնի Մուբարքի օրոք բարձր պաշտոններ զբաղեցրած կաշառակերների նկատմամբ դատաքննության արագացմանը: Շարաֆն ասել է, որ նրանց այդ պահանջը եւս կիրականացվի:
