ՆախընտրելիՁերբակալվել են դեռեւս 2 ամիս առաջ «Հայռուսգազարդ» ընկերության շինհրապարակի պահեստից 21.439 մետր պղնձյա մալուխ գողացողները:
Ավելի վաղ NEWS.am-ը հայտնել էր, որ ըստ ոստիկանության տվյալների, մայիսի 27-ին ոստիկանության Հրազդանի բաժնում հաղորդում էր ստացվել, որ «Հայռուսգազարդ» ՓԲԸ շինհրապարակի պահեստից 21.439 մետր պղնձյա մալուխ են գողացել:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ հուլիսի 14-ին, ժամը 17.10-ին, բերման է ենթարկվել 21-ամյա Անդրանիկ Գ.-ն:
Նա խոստովանել է, որ 52-ամյա Վարդան Դ.-ի եւ 42-ամյա Ներսես Խ.-ի հետ նշված պահեստից կատարել են պղնձե մալուխների գողություն:
Անդրանիկ Գ.-ն եւ Վարդան Դ.-ն ձերբակալված են:
Ներսես Խ.-ն ներկայումս գտնվում է ՀՀ ԱՆ «Նուբարաշեն» քրեակատարողական հիմնարկում: Կատարվում է քննություն:
