ՆախընտրելիԹուրքիայի արտգործնախարար Ահմեդ Դավութօղլուն Ստամբուլի ռեստորաններից մեկում ճաշի սեղանի շուրջ 2,5 ժամանոց հանդիպում է անցկացրել ՆԱՏՕ-ի գլխավոր քարտուղար Անդերս Ֆոգ Ռասմուսենի հետ։
Թուրքական Cihan գործակալության փոխանցմամբ՝ կողմերի քննարկման հիմնական թեման Լիբիան է եղել։ Դավութօղլուն ներկայացրել է օրեր առաջ Լիբիա կատարած իր այցի մանրամասները։
Ռասմուսենն իր հերթին շնորհակալություն է հայտնել Դավութօղլուին՝ Լիբիայի հարցով կոնտակտային խմբի համաժողովը Թուրքիայում անցկացնելու համար։
Նշենք, որ Լիբիայի հարցով կոնտակտային խմբի համաժողովին մասնակցելու համար Ստամբուլ են ժամանել տարբեր երկրների մոտ 3 տասնյակ ղեկավարներ եւ բարձրաստիճան պաշտոնյաներ։
Ստամբուլ է ժամանել նաեւ ԱՄՆ պետքարտուղար Հիլարի Քլինթոնը, ում օրակարգում է նաեւ հայ-թուրքական հարաբերությունների եւ Ղարաբաղի խնդիրը։
