նախընտրելի դարձնելՀայաստանի փոխվարչապետ Արմեն Գեւորգյանն ու ՀԲ ծրագրերի ավագ պատասխանատու Ջուզեպպե Ֆանտոցին Երեւանում քննարկել են «Ոռոգման համակարգի վերականգնման հրատապ ծրագրի» լրացուցիչ ֆինանսավորման ծրագրի ուղղությունները, որը նախատեսվում է մեկնարկել աշնանը եւ ավարտել 18 ամսվա ընթացքում:
ՏԿՆ մամուլի ծառայությունից NEWS.am-ին հայտնում են, որ քննարկվել են նաեւ ՀԲ-ի կողմից Հայաստանին առաջիկա տարիներին տրամադրվող վարկային միջոցներով ոռոգման ենթակառուցվածքների զարգացմանն ուղղված, շուրջ 40 մլն դոլար արժեքով ծրագրային առաջարկություններին վերաբերող հարցեր: Ծրագրերի առաջին փուլի հիմնական նպատակն է վերակառուցել առաջնահերթ վերականգնման ենթակա մայր ջրանցքներն ու ներտնտեսային ջրագծերը:
Կարեւորվել է հաստատված ծրագրերն առաջնահերթության կարգով այս տարվա աշնանը սկսելու հնարավորությունը` նպատակ ունենալով դրանք իրականացնել 2011-2012 թթ. ձմռան ընթացքում եւ ավարտել մինչեւ 2012 թ.-ի ոռոգման շրջանի սկիզբը:
Որոշվեց, որ ՀԲ-ի կողմից տրամադրվող գումարի շրջանակում ՀՀ ՏԿՆ Ջրային տնտեսության պետական կոմիտեն ՀԲ-ի թիմի հետ համատեղ առաջիկայում կմշակի եւ կներկայացնի ոռոգման համակարգի հեռանկարային զարգացման ծրագիր, որը հիմնականում ուղղված կլինի ինքնահոս համակարգի ստեղծման ճանապարհով ոռոգելի հողատարածքների ընդլայմանը:
