նախընտրելի դարձնել
Իրանի միջուկային ծրագրի շուրջ Գործողությունների համատեղ համապարփակ ծրագրի շուրջ Վիեննայում բանակցությունների ութերորդ փուլը դադարեցվել է մինչեւ հաջորդ շաբաթվա սկիզբը, գրում է իրանական IRNA գործակալությունը։
Պատվիրակությունները կվերադառնան իրենց մայրաքաղաքներ կառավարությունների հետ խորհրդակցելու համար: Բանակցությունները կվերսկսվեն հաջորդ շաբաթ։
Բանակցությունների վերջին օրը իրանական պատվիրակության ղեկավար, ԱԳ փոխնախարարի քաղաքական հարցերով տեղակալ Ալի Բաղերի Կանին բանակցություններ է վարել ԵՄ արտաքին ծառայության գլխավոր քարտուղարի տեղակալ Էնրիկե Մորայի հետ։ Նա բանակցություններ է վարել նաեւ Եվրոտրոյկայի (Մեծ Բրիտանիա, Ֆրանսիա եւ Գերմանիա) ներկայացուցիչների հետ։
Իրանի գլխավոր բանակցողը եռակողմ հանդիպում է ունեցել նաեւ Ռուսաստանի եւ Չինաստանի պատվիրակությունների ղեկավարների հետ։
Ավելի վաղ Վիեննայում միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը նշել էր, որ Իրանի միջուկային գործարքի շուրջ բանակցությունները հասել են առաջադնային փուլ։
«ՀԳՀԾ-ի շուրջ Վիեննայի բանակցությունների մասնակիցները որոշել են ընդմիջում վերցնել մայրաքաղաքներում խորհրդակցությունների համար: Իրանի միջուկային համաձայնագրի վերականգնման շուրջ բանակցությունները հասել են առաջադեմ փուլ, որտեղ քաղաքական լուծումներ են պահանջվում»,- գրել է Ուլյանովը Twitter-ում։
Հունվարի 3-ին Վիեննայում ամանորյա ընդմիջումից հետո վերսկսվել է բանակցությունների ութերորդ փուլը, որի նպատակն է չեղարկել ԱՄՆ հակաիրանական պատժամիջոցները եւ վերականգնել ԳՀՀԾ-ն իր սկզբնական տեսքով։
