նախընտրելի դարձնել
ՆԱՏՕ-ն կքննարկի առաջիկա ամիսներին Հարավարեւելյան Եվրոպայում երկարաժամկետ ներկայության հնարավորությունը: Այդ մասին հայտարարել Է ՆԱՏՕ-ի գլխավոր քարտուղար Յենս Սթոլթենբերգը՝ ելույթ ունենալով Ռումինիայի Միխայիլ Կոգելնիչանու ռազմակայանում։
«Մենք շարունակում ենք ամրապնդել մեր արեւելյան թեւը», - ասել է Սթոլթենբերգը՝ ընդգծելով, որ ՆԱՏՕ-ի գործողությունները «պաշտպանական բնույթ են կրում»:
Նրա խոսքով՝ Ռումինիայում ամերիկյան զորքերի ներկայությունը վկայում է Եվրոպայի անվտանգությանն ուղղված Միացյալ Նահանգների հանձնառության մասին:
«Արևելյան թեւի երկայնքով՝ Սեւ ծովից մինչեւ Մերձբալթիկա, ՆԱՏՕ-ի դաշնակիցները լրացուցիչ ուժեր եւ տեխնիկա են ուղարկել։ Դա անհրաժեշտ պաշտպանական պատասխան է Ուկրաինայի հետ սահմանին ռուսական զորքերի ավելացմանը», - ասել է նա։
Ռումինիայում ամերիկացի զինվորների ընդհանուր թիվը կազմում է մոտ 2000 մարդ։
«Դաշնակիցներն աջակցում են ՆԱՏՕ-ի երկրներին այդ կրիտիկական ժամանակներում ։ Հաջորդ շաբաթ ՆԱՏՕ-ի երկրների պաշտպանության նախարարները կհանդիպեն, որպեսզի քննարկեն, թե ինչպես մենք կարող ենք ուժեղացնել մեր ներկայությունը արեւելյան թեւում, այդ թվում ՝ նոր մարտական խմբերի օգնությամբ», - հայտնել Է Սթոլթենբերգը։
